仙化伯的烏金人生

作者簡介



鄭順聰

　　嘉義縣民雄鄉人，中山大學中文系，台師大國文研究所畢業。捌擔任《重現台灣史》主編，《聯合文學》執行主編，佇教育廣播電台主持全台語節目《拍破台語顛倒勇》。

　　作品有《時刻表》、《家工廠》、《海邊有夠熱情》、《基隆的氣味》、《晃遊地》、《黑白片中要大笑》、《台語好日子》、《大士爺厚火氣》。

繪者簡介

尤辰允

　　尤辰允，本名仙化，1935 年2 月17 出世，高雄市梓官區赤崁人，厝裡靠種作、掠魚徛起。

　　小學讀蚵仔寮公學校，十二歲綴阿兄去討海，嘛蹛藏仔寮去掠烏魚，蹛到十九歲，是伊人生真重要的經歷。二十一歲娶某，有四个後生，靠種菜勤儉拍拚，共囡仔晟養大漢，栽培甲真有成就。2002 年，尤辰允看查某孫咧學畫圖，一時想著就照報紙頂頭刊的圖，筆綴咧畫看覓，圖毋但畫成，閣畫甲真成。就按呢，佇親朋好友的鼓勵之下，伊骨力來畫圖，畫台灣以早的勞動和生活，古厝和風景，作品毋但濟，而且閣真幼路、華彩。

　　無師自通的尤辰允，伊彼款食老揣著興趣、歡喜來畫圖的故事，感動真濟人，成做人人呵咾的「素人畫家」。

林建志

　　畫圖師傅。這幾冬綿爛咧手繪人、事、物，上興的是圖解和地圖，因為數想欲予時間牢踮紙頂面。