臺語演講三五步：指導大人演講比賽ê祕笈（增訂版）

　　毋但是指導大人臺語演講比賽ê祕笈，　　

　　閣是順利通過臺語認證B級C級ê工具冊，

　　對欲學臺語ê人幫贊嘛真大。

　　若準我毋講母語(族語)，欲叫啥人講？

　　若準我佇生活中毋講母語(族語)，啥物時陣講？

　　若準我上課毋講母語(族語)，欲按怎予母語(族語)有價值？

　　若準我佮序細講話毋講母語(族語)，欲按怎共母語(族語)傳予後代囝孫？……

　　｜母語教育宣言｜

　　一、任何語言攏是人類共同ê遺產，攏必須受制度ê保護和提供永續發展ê機會。

　　二、母語（族語）教育是天賦人權，不容剝奪。

　　三、母語（族語）教育必須生活化、文字化、文學化和社會化才會成功。

　　四、母語（族語）文字化ê原則是科學化、簡單化、優美化佮國際化。

　　｜咱主張｜

　　一、對幼稚園到大學，攏愛有母語〈族語〉ê課程，並且列入升學考試ê科目。

　　二、用制度救母語，從事國家公務ê人員，攏愛通過本土母語〈族語〉ê認證。

　　三、設立「傳統語言區」，規定當地路標、招牌，議會開會，必須愛用傳統語言。

　　四、設立母語〈族語〉ê「國家文學獎」，提升母語〈族語〉ê地位。

　　五、訂定「語言保護法」，規定各發行報紙應有一定比例ê本土母語〈族語〉欄。